राज ठाकरे जाणार आयोध्या दौऱ्यावरमहाराष्ट्र नवनिर्माण सेनेचे अध्यक्ष

मुंबई : राज्यात आगामी काळात होणाऱ्या निवडणुकांच्या पार्श्वभूमिवर मनसेने नवीन मेगाप्लॅन आखला आहे. याची सुरूवात महाराष्ट्र नवनिर्माण सेनेचे अध्यक्ष राज ठाकरे यांच्या 1 ते 9 मार्च दरम्यान अयोध्येच्या दौरापासून होणार आहे. आज मनसेची आगामी निवडणुकांच्या तयारीचा आढावा घेण्यासाठी बैठक पार पडली. राज ठाकरे, अमित ठाकरे, अनिल शिदोरे आणि इतर प्रमुख नेत्यांची या बैठकीला उपस्थिती होती. या बैठकीनंतर झालेल्या पञकार परिषदेत बाळा नांदगावकर यांनी राज ठाकरे यांच्या दौऱ्याची माहिती दिली आहे.

बाळा नांदगावकर पुढे म्हणाले की, महाराष्ट्र नवनिर्माण सेनेचा 9 मार्चला वर्धापन दिन असतो. अयोध्या दौऱ्याहून परतल्यानंतर राज ठाकरे पक्षाला संबोधित करणार आहे. 9 मार्चनंतर राज ठाकरे राज्यातील विविध भागांचा दौरा करणार आहे. तसेच, निवडणुका जवळ आल्यामुळे 9 फेब्रुवारी ते 12 एप्रिलपर्यंत मनसे सदस्य नोंदणी करणार आहे, असे नांदगावकर यांनी स्पष्ट केले आहे. 

मनसेची मराठी भाषा दिनाला स्वाक्षरी मोहीम : २७ फेब्रुवारीला कुसुमाग्रज यांची जयंती असते. हा दिवस मराठा राजभाषा दिवस म्हणून साजरा करण्यात यतो. मनसे हा दिवस सण, उत्सव म्हणून धुमधडाक्यात साजरा करणार आहे. या निमित्ताने मराठी स्वाक्षरी मोहीम राबवली जाईल, असे नांदगावकर यांनी सांगितले आहे. त्या दिवशी, मराठी शिकवणाऱ्या शिक्षकांचा, संस्थाचालक, मराठी प्रकाशक, संपादक, कवी, लेखक, खेळाडू यांचा सन्मान मनसे करणार आहे. मराठी वृत्तपत्रे आणि मराठी वृत्तवाहिन्या, नाट्य कलावंत आणि सिनेकलावंत यांचा सन्मान करण्यात येणार आहे , असे नांदगावकर यांनी सांगितले आहे.